निष्पक्ष र विश्वसनीय खबरको सँगालो 
Khabar Punja
१९ मंसिर २०८१, बिहीबार
दुलेगौडा । लामो समयदेखि अलपत्र रहेको भिमाद-८ र शुक्लागण्डकी नगरपालिका-७ जोड्ने पुल एमाले नेता केदार सिग्देलमा समन्वयमा निर्माण हुने निश्चित भएको छ । तनहुँ क्षेत्र नम्बर २ का निवर्तमान प्रतिनिधि सभा सदस्य रहेका सिग्देलले केही समय अगाडी ठेकेदारसँग सम्पर्क गरी पुलको काम सुरु गर्न ध्यानाकर्षण गराएका थिए ।
डिजाइन परिवर्तन, कोभिड-१९ को कारणले परेको असर लगायतले काममा ढिलाई भएपनि चुनाव लगत्तै कामलाई सुरु गर्ने ठेकेदारले सिग्देल समक्ष प्रतिबद्धता जनाएका छन् ।
‘निवर्तमान सासद केदार सिग्देल र एमालेका नेताहरुको पहलमा नै ठेकेदारलाई सम्पर्क गरि जसरी भए पनि काम गर्न पर्छ भनेर एक वटा पिल्लर र १ स्ल्याप ढलान गर्ने काम भएको थियो ।अब २ वटा स्ल्याप बन बॉकी छ,’ भिमाद-८ का शिव आले मगरले भने, ‘अहिले पनि ठेकेदारसँग सम्पर्क भइसकेको छ । खोला अब सुकेको छ निर्वाचन लगतै काम शुरु हुने जानकारी ठेकेदारले दिनु भएको छ ।’
निर्वाचनको बेला आएर यो पुलमाथि राजनीति गर्न खोजिएको भन्दै चुनावको बेला मात्रै पुलको विषय उठाउनु जायज नहुने बताए ।
