निष्पक्ष र विश्वसनीय खबरको सँगालो 
Khabar Punja
२३ पुष २०८१, बुधबार
पोखरा । मनाङ ‘क’ मा नेपाली कांग्रेसका मुनिन्द्रजंग गुरुङ विजयी भएका छन् । सोमबार साँझ आएको अन्तिम मतपरिणाम अनुसार गुरुङ ३३० मतान्तरले विजयी भएका हुन् । मुनिन्द्रले १ हजार २५५ मत प्राप्त गर्दा निकटम प्रतिद्वन्दी नेकपा एमालेका राजन गुरुङले ९२५ मात्र मत पाए ।
२०७४ सालको निर्वाचनमा पनि यो क्षेत्र नेपाली कांग्र्रेसले नै जितेको थियो । कांग्रेसका चिन्तबहादुर घले ८४७ ल्याउदा एमालेको दोर्जे डंडुल गुरुङले ८२४ मत पाएका थिए । प्रदेश सभा (ख) मा गण्डकी प्रदेशका युवा तथा खेलकुद मन्त्री राजीव गुरुङ (दीपक मनाङे) सर्वसम्मत निर्वाचित भइसकेका छन् ।
अघिल्लो पटक पनि एमालेको समर्थनमा मनाङेले जितेका थिए । प्रतिनिधि सभा सदस्यको मत गणना चलिरहेको छ । प्रतिनिधि सभामा कांग्रेसका टेकबहादुर गुरुङ र एमालेका पोल्देन छोपाङ गुरुङ प्रतिस्पर्धामा छन् । गण्डकीको अर्को हिमाली जिल्ला मुस्ताङमा भने नेपाली कांग्रेसले नेकपा एमालेलाइ क्लिनस्विप गरेको छ ।
