निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दमाैली । हैरान्स क्लवको आयोजनामा दमौलीमा जारी अन्तरविद्यालय बास्केटबल रनिङशिल्ड प्रतियोगितामा छात्रतर्फ सत्यवती माध्यमिक विद्यालय, व्यास दिव्यज्योति बोर्डिङ स्कूल, बाराही कलेज र पराशर कलेज सेमिफाइनल प्रवेश गरेको छ ।
सोमबारदेखि सुरु भएको रनिङशिल्डमा समूह (ए) बाट सत्यवती मावि र व्यास दिव्यज्योति बोर्डिङ स्कूल तथा समूह (बी) बाट बाराही कलेज र पराशर कलेज सेमिफाइनल प्रवेश गरेको हो ।
छात्रातर्फ समूह (ए) बाट सत्यवती माध्यमिक विद्यालय र निर्मल मावि तथा समूह (बी) बाट पराशर कलेज र दमौली कलेज सेमिफाइनल प्रवेश गरेको खेल संयोजक उज्ज्वल भट्टराईले जानकारी दिए ।। छात्रछात्राको सेमिफाइनल तथा फाइनल खेल बुधबार हुनेछ ।
छात्रतर्फ पहिलो सेमिफाइनल खेल सत्यवती मावि र पराशर कलेजबीच हुनेछ । दोस्रो सेमिफाइनल व्यास दिव्यज्योति बोर्डिङ र बाराही कलेजबीच हुने आयोजकले जनाएको छ ।
छात्रातर्फ पहिलो सेमिफाइनल खेल सत्यवती मावि र दमौली कलेजबीच हुनेछ भने दोस्रो सेमिफाइनल निर्मल मावि र पराशर कलेजबीच हुनेछ ।
प्रतियोगितामा छात्रतर्फ निर्मल माध्यमिक विद्यालय, सत्यवती माध्यमिक विद्यालय, व्यास बोर्डिङ स्कूल, दमौली कलेज, आदिकवि भानुभक्त क्याम्पस, कन्काई एकेडेमी, पराशर कलेज र बाराही कलेजको सहभागिता छ । छात्रातर्फ बाराही कलेज, सत्यवती माध्यमिक विद्यालय, व्यास बोर्डिङ स्कूल, निर्मल माध्यमिक विद्यालय, दमौली कलेज, पराशर कलेज र कन्काई एकेडेमी बोर्डिङ स्कूलको सहभागिता छ ।
