निष्पक्ष र विश्वसनीय खबरको सँगालो 
Khabar Punja
१६ बैशाख २०८१, आईतवार
दमौली । नेपाली कांग्रेस तनहुँले नेविसंघ तनहुँको सभापतिमा सुरज लम्साललाई सिफारिस गरेसँगै कांग्रेस निकट युवा विद्यार्थीले विरोध जनाएका छन् । उनीहरुले नेपाली कांग्रेस तनहुँका सभापति जीतप्रकाश आलेको राजीनामा समेत मागेका छन् ।
कांग्रेस तनहुँको मंगलबार बसेको बैठकले लम्साललाई सभापति नियुक्तिका लागि नेविसंघ केन्द्रीय समितिलाई सिफारिस गरेको थियो ।
उक्त निर्णयको विरोध गर्दै विद्यार्थी नेता सुदर्शन पोख्रेलले सभापति आलेको राजीनामा मागेका छन् ।
त्यस्तै रवि मिश्रले पनि उक्त निर्णयको विरोध गरेका छन् । उनले नेविसंघ ओगटेर बसेका नेताहरुले कयौ साथीहरुको राजनीतिक भविष्य बर्बाद पारेको आरोप लगाए । उनले भनेका छन्, ‘कांग्रेस क्षेत्र नम्बर २ का क्षेत्रीय सभापतिले नेविसंघ तनहुँको अध्यक्षको पद ८ वर्ष ओगटेर कयौं साथीहरुको राजनीतिक भविष्य बर्बाद पार्नुभो । आज फेरि उहाँकै सिफारिसमा कठपुतली कांग्रेस जिल्ला कार्य समितिले अर्को ८ वर्ष सङ्घलाई अन्धकारको दलदलमा हालेकोप्रति विरोध गर्दछु ।’
