निष्पक्ष र विश्वसनीय खबरको सँगालो 
Khabar Punja
२१ बैशाख २०८१, शुक्रबार
दमौली । ११३ औ अन्तराष्ट्रिय नारी दिवसको अवसरमा बुधबार आयोजित महिला फुटसल रोटर्याक्ट क्लव वेदव्यासले जितेको छ ।
व्यास-१ स्थित फुटसल मैदानमा सम्पन्न खेलमा इनरह्वील क्लवलाई पराजित गर्दै वेदव्यास प्रथम भएको हो । उक्त खेलमा वेदव्यास १-० ले विजयी भएको हो ।
खेलमा रोटर्याक्ट वेदव्यास, इनरह्वील, महिला उद्यमी संघ तनहुँ र महिला उद्यमी संघ डुम्रेको सहभागिता रहेको रोटर्याक्ट वेदव्यासकी अध्यक्ष सुष्मिता रेग्मीले जानकारी दिइन् ।
रोटर्याक्ट वेदव्यास, इनरह्वील र महिला उद्यमी संघको संयुक्त आयोजनामा प्रतियोगिता आयोजना गरिएको हो । प्रतियोगिताको संयोजन महिला उद्यमी संघकी अध्यक्ष निर्मला मल्लले गरेकी थिइन् ।
