निष्पक्ष र विश्वसनीय खबरको सँगालो 
Khabar Punja
१५ बैशाख २०८१, शनिबार
दमौली । म्याग्दे गाउँपालिका-४ मनहरिमा जारी एघारौ आदर्श तथा छैटौ तारा स्मृति कप सेभेन ए साइड फुटबलको फाइनलमा आयोजक र अकला गाउँवेशी क्लब भिड्ने भएका छन् । फाइनल खेल शनिबार हुनेछ ।
आदर्श नमूना क्लवको आयोजनामा जारी प्रतियोगिता अन्तर्गत शुक्रबार भएको खेलमा अकला गाउँवेशी क्लव (बी) लाई पराजित गर्दै आयोजक फाइनलमा पुगेको हो । उक्त खेलमा आयोजक आदर्श २-० ले विजयी भयो ।
दोस्रो सेमिफाइनल खेलमा अकला गाउँवेशी (ए) डिजी युनाइटेडलाई पराजित गरी फाइनल प्रवेश गरेको हो । उक्त खेलमा अकला ३-१ ले विजयी भयो ।
प्रतियोगितामा विजेताले एक लाख र उपविजेताले ५० हजार नगद सहित ट्रफी प्राप्त गर्नेछन् ।
