निष्पक्ष र विश्वसनीय खबरको सँगालो 
Khabar Punja
२६ मंसिर २०८१, बिहीबार
दमाैली । आँबुखैरेनी गाउँपालिकाका अध्यक्ष शुक्र चुमानका छाेराछाेरी बुधबारदेखि सरकारी विद्यालय जान थालेका छन् । यसअघि निजी विद्यालयमा अध्ययन गर्दै आएका उनीहरु बुधबारदेखि सरकारी विद्यालय जान थालेका हुन् ।
छोरा अनुराग चुमान आँबुखैरेनी गाउँपालिका–२ स्थित अन्नपूर्ण प्राथमिक विद्यालयमा कक्षा २ मा र छोरी अक्षरा चुमानल आँबुखैरेनी गाउँपालिका–३ स्थित रामशाह माध्यमिक विद्यालयमा कक्षा ७ मा भर्ना भएका छन् ।
अध्यक्ष चुमानका छोराछोरी यसअघि आँबुखैरेनी गाउँपालिका–३ स्थित मस्र्याङ्दी बालज्योति बोर्डिङ स्कूलमा अध्ययन गर्दथे । सामुदायिक विद्यालयको शैक्षिक सुधार अभियान अन्तर्गत जनप्रतिनिधिका छोराछोरीलाई अनिवार्य सामुदायिक विद्यालयमा पढाउने निर्णय कार्यान्वयमा आएकाे छ ।
