निष्पक्ष र विश्वसनीय खबरको सँगालो 
Khabar Punja
२५ पुष २०८१, शुक्रबार
दमौली । तनहुँको व्यास नगरपालिका–९ गजौडे निवासी ५९ वर्षीय सुरेशकुमार गुरुङ बेपत्ता भएको बाह्र दिनपछि मृत फेला परेका छन् । गत वैशाख १७ गते साँझ ६ बजेतिर घरबाट निस्किएर बेपत्ता भएका गुरुङ बिहीबार मृत अवस्थामा फेला परेका हुन् ।
सोही वडाको एक जङ्गलमा गुरुङको शव भेटिएको जिल्ला प्रहरी कार्यालय तनहुँले जनाएको छ । स्थानीयवासीले शव देखेपछि प्रहरीलाई खबर गरेको र प्रहरी घटनास्थलमा पुगेर अनुसन्धान गरेको प्रहरी निरीक्षक राजकुमार विकले जानकारी दिए ।
शारीरिक तथा मानसिक रुपमा अस्वस्थ गुरुङ सम्पर्कविहिन भएपछि वैशाख १८ गते नै जिल्ला प्रहरी कार्यालय तनहुँमा खोजीकार्यका लागि प्रहरीले निवेदन दिएको थियो ।
