निष्पक्ष र विश्वसनीय खबरको सँगालो 
Khabar Punja
२७ कार्तिक २०८१, बुधबार
दमौली । तनहुँको आबुँखैरेनी गाउँपालिका–४, स्थित लोप्राङ्ग गाउँमा खानेपानीको हाहाकार भएको छ । छिम्केश्वरी मोटरबाटो निर्माण क्रममा बासपानीमा रहेको खानेपानीको मुल पुरिएपछि सो गाउँमा खानेपानीको हाहाकार भएको हो ।
वर्षायामसँगै खानेपानीको हाहाकार हुँदा यहाँका स्थानीयहरु पानी परेको बेला बलेनीबाट झरेको पानी संकलन गरी प्रयोग गर्न बाध्य भएको स्थानीय सुक बहादुर गुरुङले बताए ।
करिब ३० घरधुरी रहेको उक्त गाउँमा तत्काल तथा दिर्घकालिन रुपमा खानेपानीको समस्या समाधान गर्न सोमबार वडाध्यक्ष मिलन भूजेल र गाउँपालिका अध्यक्ष शुक्र चुमानबीच छलफल भएको छ । छलफलका क्रममा गाउँपालिकाले तत्काल प्राविधिक/इन्जिनियर पठाएर पहिरोले पाईपमा क्षति पुर्याएको वा खानेपानीको टयाङ्की फुटेको हो भन्ने बारेमा सर्भे गरी आवश्यता अनुसार, मर्मत गरी खानेपानीको आपूर्ति गर्ने समझदारी भएको भुजेलले बताइन् ।
सो गाउँमा खानेपानी योजनाको लागि प्रदेश सरकारबाट १५ लाख बजेट परेको छ ।
