निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
न्युयोर्क। शानदार पुनरागमन गर्दै लियोनल मेस्सीको कप्तानीमा रहेको इन्टर मियामी यूएस ओपन कप फुटबलको फाइनल पुगेको छ।
बिहीबार बिहान भएको खेलमा मियामीले सिनसिनाटी एफसीलाई टाइब्रेकरमा ५-४ ले पराजित गर्यो।
खेलमा २-० गोलले पछाडि परेको मियामीले दोस्रो हाफको इन्जुरी समयमा गोल गर्दै खेललाई २-२ गोलको बराबरीमा ल्याएर अतिरिक्त समयमा धकेलेको थियो।
अतिरिक्त समयमा दुवै टोलीले १र१ गोल गरेका थिए। मियामीका सुरुवाती दुई गोल लियोनार्दो कम्पानाले गरेका थिए। दुवै गोलमा मेस्सीले असिस्ट गरेका थिए।
मेस्सी मियामीका लागि पहिलो पटक गोल गर्न असफल भए।
अघिल्ला सातवटै खेलमा उनले गोल गरेका थिए। गत साता मात्र मियामीले लिग्स कपको उपाधि जितेको थियो।
