निष्पक्ष र विश्वसनीय खबरको सँगालो 
Khabar Punja
२९ बैशाख २०८३, बुधबार
दमौली । जेसीआई व्यास नगरले आयोजना गरेको व्यास नगर साइनिङ स्टारको उपाधि सदिक्षा रानाले जितेकी छन् । शुक्रबार राति सम्पन्न फाइनलमा १९ प्रतिस्पर्धीलाई पछि पार्दै उनले उपाधि जितेकी हुन् ।
प्रतियोगितामा आभा श्रेष्ठ फस्ट रनर अप र सदिक्षा थापा मगर सेकेन्ड रनर अप घोषित भएका छन्। उपाधि जित्न सफल रानाले नगद रु २५ हजार २३, फस्ट रनर अप श्रेष्ठले रु १५ हजार २३ र सेकेन्ड रनर अप थापाले रु १० हजार २३ नगद प्राप्त गरे ।
गत साउन १२ र १३ को अडिसनबाट २० बालबालिका प्रतियोगिताका लागि छानिएका थिए । उनीहरुलाई एक महिनाको तालिम दिइएको थियो । प्रतियोगितामा १०-१५ वर्षका बालबालिका सहभागी थिए ।
बालबालिकाको अन्तरनिहित प्रतिभा प्रस्फूटन गर्दै व्यक्तित्व र नेतृत्व विकास, शारीरिक तन्दुरुस्ती, कला संस्कृति लगायत विविध समसामयिक विषयको ज्ञान प्रदान गर्ने उद्धेश्य सहित जेसीआई व्यास नगरले सन् २०१३ देखि साइनिङ स्टार आयोजना गर्दै आएको छ ।
