निष्पक्ष र विश्वसनीय खबरको सँगालो 
Khabar Punja
१४ मंसिर २०८१, शनिबार
दमौली । व्यास नगरपालिका-३ विपी वनवाटिकामा रहेको बेलको रुख फालिएको छ। नेपाली कांग्रेसका तत्कालिन नेता एवं हालका राष्ट्रपति रामचन्द्र पौडेलले जोगाएको उक्त बेलको रुख फालेर नयॉ बेल रोपिएको छ ।
बिपी कोइरालाको शालिक राख्ने ठाउँमा पहिला भएको बेलको रुख फालेर नयॉ बेल रोपिएको हो ।
पुरानो सभागृह भत्काएर नयॉ सभागृह बनाउने बेलामा तत्कालिन समयमा पौडेलेल जसरी पनि बेलको रुख बचाएर मात्र निर्माण कार्य गर्न अडान लिएका थिए । पौडेलको अडानपछि दुई वटा रुखमध्ये एक रुख संरक्षण गरिएको थियो । सोही रुख संरक्षण गर्दा सभागृहको पर्खाल नै बांगो बनाइएको छ ।
त्यही ठाउँमा नेपाली कांग्रेस व्यास नगर समितिले बिपीको शालिक बनाउँदैछ । उक्त ठाउँमा बिपी कोइरालाले विसं २०३६ साल असोज ६ गते सम्बोधन गरेका थिए ।
सभागृह र शालिकको असोज ६ गते राष्ट्रपति रामचन्द्र पौडेलले उदघाटन गर्ने तयारी छ ।
