निष्पक्ष र विश्वसनीय खबरको सँगालो 
Khabar Punja
४ माघ २०८१, शनिबार
पाेखरा । आदिवासी जनजाति चलचित्र महासङ्घ गण्डकी प्रदेश गठन भएको छ । महासङ्घ प्रदेश तदर्थ परिषद्को शनिबार पोखरामा सम्पन्न प्रथम अधिवेशनबाट उमानसिंह गुरुङको अध्यक्षतामा कार्यसमिति गठन भएको हो ।
जसको उपाध्यक्षमा शेरबहादुर पिठा मगर (सन्तोष), सोमबहादुर गुरुङ र दीपकमान उदास चयन भएका छन् । त्यस्तै महासचिवमा गोविन्द पुन मगर, सचिवमा तनहुँका गलबहादुर गुरुङ र इन्द्रमाया गुरुङ, कोषाध्यक्षमा दुर्गा रोका मगर र सहकोषाध्यक्षमा अम्मर दोङ तामाङ चयन भएका छन् ।
आदिवासी जनजाति चलचित्र महासङ्घ गण्डकी प्रदेश तदर्थ परिषद्का अध्यक्ष उमानसिंह गुरुङ (माओत्सेतुङ) को अध्यक्षता र आदिवासी जनजाति चलचित्र महासङ्घ सङ्घीय सचिवालय अध्यक्ष पुर्खाजित राइको प्रमुख आतिथ्यतामा अधिवेशन सम्पन्न भएको हो ।
