निष्पक्ष र विश्वसनीय खबरको सँगालो 
Khabar Punja
७ असार २०८१, शुक्रबार
दमौली । तनहुँको म्याग्दे गाउँपालिकाको प्रमुख प्रशासकीय अधिकृतमा पुन: नारायणप्रसाद अधिकारी आउने भएका छन् । हाल कास्कीको मादी गाउँपालिकामा रहेका अधिकारी म्याग्देमा आउन लागेका हुन् ।
२९ महिना म्याग्देको प्रमुख प्रशासकीय अधिकृत भएर काम गरेका अधिकारी दोस्रो पटक आउन लागेका हुन् । अधिकारी गत फागुन २१ गते मादीमा सरुवा भएका थिए ।
विवादरहित काम गरेका अधिकारीले आफ्नो कार्यकालमा नमूना काम गर्न सफल भएका थिए । सबैसँग समन्वय गरेर काम गर्न सक्ने उनको क्षमता छ ।
म्याग्देका प्रमुख प्रशासकीय अधिकृत जितबहादुर रानाको मुख्यमन्त्री कार्यालय गण्डकीमा सरुवा भएका छन् । उनी ६ महिनामात्रै म्याग्देमा रहे।
