निष्पक्ष र विश्वसनीय खबरको सँगालो 
Khabar Punja
२७ कार्तिक २०८१, बुधबार
दमौली। तनहुँको म्याग्दे गाउँपालिका–५ धारापानीस्थित भिमाद–बेलचौतारा भित्री सडकखण्डमा मोटरसाइकल दुर्घटना हुँदा एक जनाको मृत्यु भएको छ । दुर्घटनामा अर्का एक जना घाइते भएका छन् ।
भिमादबाट बेलचौतारा आउँदै गरेको प्र–०३–०३० प ३८५० नम्बरको मोटरसाइकल अनियन्त्रित भई सडकबाट ६० मिटर तल थाङ्दी खोलामा खस्दा मोटरसाइकलमा सवार एक जनाको मृत्यु भएको जिल्ला प्रहरी कार्यालय तनहुँले जनाएको छ ।
मृत्यु हुनेमा शुक्लागण्डकी नगरपालिका–७ बस्ने २७ वर्षीय विनोद गुरुङ रहेको प्रहरी नायब उपरिक्षक मोहनबहादुर खाँणले जानकारी दिए । दुर्घटनामा मोटरसाइकल चालक सोही ठाउँ बस्ने २९ वर्षीय अनोज गुरुङ घाइते छन् ।
दुर्घटनामा घाइते दुवैलाई उपचारका लागि जिपी कोइराला श्वासप्रश्वास उपचार केन्द्र लगिएकामा विनोदको गएराति ११ः४० बजे मृत्यु भएको हो । दुर्घटनामा घाइते अनोजको लेखनाथ सिटी अस्पताल पोखरामा उपचार भइरहेको प्रहरीले जनाएको छ ।
