निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । जेसिज भानु बन्दीपुरले जेसीज सप्ताहन्त विविध कार्यक्रम गरी मनाएको छ। वर्ष २०२३का अध्यक्ष सविन कार्कीको अध्यक्षतामा विविध कार्यक्रम गरी सप्ताहन्त मनाइएको हो ।
मंसिर २२ गते भानु-६ स्थित बुद्ध प्राविका विद्यार्थीहरूलाई शैक्षिक तथा खेलकुद सामाग्री वितरण गरि कार्यक्रमको सुरूवात गरिएको थियो । मंसिर २४ गते बन्दीपुरमा रक्तदान कार्यक्रम सम्पन्न भएको संस्थाले जनाएको छ ।
सोही दिन बन्दीपुरमा स्वागत बोर्ड स्थापना र बन्दीपुर अस्पतालमा सरसफाई तथा डस्टविन सहयोग गरिएको छ ।
मंसिर २५ गते भानु नगरपालिकाका जनप्रतिनिधिलाई संसदीय ब्यबस्था प्रणाली सम्बन्धी प्रशिक्षण संचालन गरिएको थियो। भानु नगर प्रमुख आनन्दराज त्रिपाठीको प्रमुख आतिथ्यतामा भएको सो कार्यक्रममा नेपाल जेसिजका पुर्व- कार्यकारीणी उपाध्यक्ष कैलाश खाकी श्रेष्ठले सहजीकरण गरेका थिए ।
जेसिज सप्तान्ह कार्यक्रममा समाज रूपान्तरणमा जेसीजको भुमिकाका सम्बन्धमा जेसिआई भानु बन्दीपुरका संस्थापक अध्यक्ष दीपक थापाले प्रकाश पारेका थिए ।
