निष्पक्ष र विश्वसनीय खबरको सँगालो 
Khabar Punja
४ जेष्ठ २०८१, शुक्रबार
जनकपुरधाम । मधेश प्रदेशका मुख्यमन्त्री सरोजकुमार यादवले तेस्रो पटक विश्वासको मत पाएका छन् । जनमत पार्टी सरकारबाट बाहिरिएपछि संवैधानिक व्यवस्था अनुसार मुख्यमन्त्री यादवले विश्वासको मत लिएका हुन् ।
आइतबार प्रदेशसभा बैठकमा १०७ मध्ये १०४ सांसद उपस्थित थिए । मुख्यमन्त्री यादवलाई ६९ सांसदले विश्वासको मत दिएका छन् । उनको विपक्षमा ३५ मत परेको छ । जनमत पार्टी र नेकपा (एमाले)ले मुख्यमन्त्री यादवको विपक्षमा मतदान गरे ।मुख्यमन्त्री यादवले एकवर्षमै ३५ सांसदको समर्थन गुमाए । जसपा संसदीय दलका नेता यादव मुख्यमन्त्री छन् ।
जसपाससित सत्ता गठबन्धनका नेपाली कांग्रेस, नेकपा (माओवादी केन्द्र), लाेकतान्त्रिक समाजवादी पार्टी (लोसपा) र साना दलले उनलाई विश्वासको मत दिएका छन् ।
