निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दाङ । लुम्बिनी प्रदेशका प्रमुख अमिक शेरचनले नयाँ मुख्यमन्त्री नियुक्तिका लागि आह्वान गरेका छन् । आइतबार मुख्यमन्त्री जाेखबहादुर महराले राजीनामा दिएपछि प्रदेश प्रमुख शेरचनले नयाँ मुख्यमन्त्री नियुक्त गर्ने प्रक्रिया अघि बढाएका हुन् ।
प्रदेश प्रमुख शेरचनले साउन ७ गते साेमबार साँझ ६:३० बजेभित्र सरकार गठनका लागि आह्वान गरेका छन् । लुम्बिनीमा कांग्रेस-एमाले सत्ता गठबन्धन भएपछि माओवादी नेता जाेखबहादुर महरा नेतृत्वको सरकार ढलेको हाे । महराले आइतबार लुम्बिनी प्रदेशसभालाई सम्बाेधन गर्दै राजीनामा दिए।
लुम्बिनीमा स्थापनाकालदेखि नै सरकारमा रहेको माओवादी पहिलो पटक प्रतिपक्षमा रहने भएको छ । लुम्बिनीमा अब नयाँ मुख्यमन्त्रीमा एमाले संसदीय दलका नेता लिला गिरीले दाबी गर्ने तयारी गरिरहेका छन् ।
एमाले दल प्रमुख सचेतक तुलसी चाैधरीले साेमबार दिउँसो १ बजे कांग्रेसका २७, एमालेका २९ सहितका सांसदकाे हस्ताक्षर बुझाएर मुख्यमन्त्रीमा दाबी पेश गरिने बताए ।
८७ सदस्यीय लुम्बिनी प्रदेश सभामा बहुमतकाे लागि ४४ सांसद भए पुग्छ । अन्य साना दलहरूसँग पनि छलफल भैरहेको उनलेे बताए ।
