निष्पक्ष र विश्वसनीय खबरको सँगालो 
Khabar Punja
८ मंसिर २०८१, आईतवार
काठमाडौँ । निर्वाचन आयोगले स्थानीय तहमा उपनिर्वाचनको तयारी सुरु गरेको छ । नगरपालिका प्रमुख, उपप्रमुख तथा गाउँपालिकाका अध्यक्ष, उपाध्यक्ष तथा वडाध्यक्ष गरी रिक्त रहेका ३४ पदका लागि उपनिर्वाचनको तयारी सुरु भएको जनाएको छ ।
आयोगले स्थानीय तहको उपनिर्वाचनका लागि नामावली दर्ता गराउन आह्वान गरेको छ । आयोगले मंगलबार विज्ञप्ति जारी गरी योग्यता पुगेका नेपाली नागरिकलाई प्रदेश तथा जिल्ला निर्वााचन कार्यालयमा अनलाइन फारम भरी नाम दर्ता गर्न अनुरोध गरेको हो ।
मतदाता नामावली ऐन, २०७३ को दफा ४ (२) बमोजिम निर्वाचन मिति तोकिएपछि मतदाता नामावलीमा नाम दर्ता गर्ने कार्य स्थगित गर्नुपर्ने कानुनी व्यस्था रहेको जनाउँदै आयोगले समयमै नाम दर्ता गर्न आह्वान गरेको हो ।
२०७९ साल वैशाख ३० गते सम्पन्न भएको स्थानीय तहको निर्वाचनपछि देशभरका नगरपालिका प्रमुख तथा उपप्रमुख, गाउँपालिका अध्यक्ष तथा उपाध्यक्ष र वडाअध्यक्ष गरी ३४ पद खाली रहेको आयोगले जारी गरेको विज्ञप्तिमा उल्लेख छ ।
