निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमौली । तनहुँको व्यास नगरपालिका-३ स्थित मादी नदीले बगाउँदा आज सॉझ एक जना बेपत्ता भएका छन् । बेपत्ता हुनेमा बर्दिया निवासी १९ वर्षीय नविन चौधरी रहेको जिल्ला प्रहरी कार्यालय तनहुँले जनाएको छ ।
बेपत्ता हुने नगरपालिका-४ र ५ जोड्ने मादी नदीमा निर्माणाधीन पक्की पुलमा काम गर्ने मजदुर रहेको जिल्ला प्रहरी कार्यालय तनहुँले जनाएको छ । पुल निर्माणमा काम गर्ने तीन जना मजदुर नदीमा नुहाउन गएको र त्यसमध्ये नवीनलाई बगाएको प्रहरीको भनाइ छ । बेपत्ता भएकाको खोजी भइरहेको छ ।
