छाब्दीमा दर्शनका लागि अपाङ्गता र अशक्तलाई ह्लिवलचियर सहयोग
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
  • व्यास

    छाब्दीमा दर्शनका लागि अपाङ्गता र अशक्तलाई ह्लिवलचियर सहयोग

    खबरपुञ्ज संवाददाता

    १३ फाल्गुन २०८१, बुधबार

    दमौली। व्यास नगरपालिका-१४ स्थित प्रसिद्ध छाब्दीवाराही मन्दिरमा दर्शनका लागि अपाङ्गता भएका र अशक्त ज्येष्ठ नागरिकका लागि ह्विलचियर सहयोग गरिएको छ ।

    गोरखाका बबर गुरुङ र तेजकुमारी गुरुङले स्वर्गीय बुबा गर्जामान गुरुङ र कुमारी गुरुङको सम्झनामा छाब्दी वाराही कोषका लागि एक थान ह्विलचियर सहयोग गरेका हुन् ।

    मन्दिर दर्शन गर्न आउने वृद्धवृद्धा र अपाङ्गता भएका व्यक्तिलाई समस्या हुँदै आएकाले ह्विलचियर सहयोग गरेको दाता बबर गुरुङले बताए ।

    कोषका अध्यक्ष थानबहादुर थापाले मन्दिरसम्म पुग्नका लागि अपाङ्गतामैत्री बाटो निर्माण भइरहेको जानकारी दिए । उनले भने, ‘उक्त बाटो निर्माणको अन्तिम चरणमा पुगेको छ, सो बाटो बनेपछि ह्विलचियरमा सहज रुपमा मन्दिरसम्म पुग्न सकिनेछ ।’