निष्पक्ष र विश्वसनीय खबरको सँगालो 
Khabar Punja
२० चैत्र २०८१, शुक्रबार
दमाैली । नेपाल कम्युनिष्ट पार्टी (माओवादी केन्द्र) ले बन्दीपुर गाउँपालिकाका सहिद, बेपत्ताका परिवार, पूर्व जनमुक्ति सेना, कम्युनिष्ट आन्दोलनमा सहयोग पु¥याउनेहरुलाई सम्मान गरेको छ ।
बन्दीपुर गाउँपालिका–२ खहरेमा आज आयोजित कार्यक्रममा गाउँपालिकाभित्रका सहिद तथा बेपत्ताका परिवार, पूर्व जनमुक्ति सेना र कम्युनिष्ट आन्दोलनमा विशिष्ट योगदान पु¥याउने दुई सय जनालाई सम्मान गरिएको हो ।
नेपाल कम्युनिष्ट पार्टी (माओवादी केन्द्र) मा आबद्ध भई सङ्घीय लोकतान्त्रिक गणतन्त्र नेपाल स्थापनाको महाअभियानको क्रममा सहादत प्राप्त गरेका, बेपत्ता भएकाका परिवारलाई अभिनन्दन पत्रले सम्मान गरिएको केन्द्रका बन्दीपुर गाउँ कमिटी अध्यक्ष ध्रुवप्रसाद लामिछानेले जानकारी दिए ।
पार्टीका केन्द्रीय सदस्य एवं गण्डकी प्रदेशसभामा माओवादी संसदीय दलका नेता हरिबहादुर चुमान, केन्द्रीय सदस्य एवं तनहुँ इन्चार्ज आशा कोइरालाले उहाँहरुलाई सम्मान गरेका थिए ।
