निष्पक्ष र विश्वसनीय खबरको सँगालो 
Khabar Punja
३१ जेष्ठ २०८२, शनिबार
दमौली । ऑबुखैरेनी क्याम्पसको स्ववियु सभापतिमा नेकपा माओवादी केन्द्र निकट अखिल क्रान्तिकारीबाट निशान मगरले उम्मेदवारी दर्ता गरेका छन् ।
अखिल क्रान्तिकारीबाट स्ववियु सचिवमा गंगा प्रसाद लामिछाने, कोषाध्यक्षमा करुणा गुरुङ्ग, सदस्यहरुमा मेनुका खत्री, सुरेश नेपाली, विज्ञा राना मगरले उम्मेदवार दर्ता गरेका छन् ।
यस्तै, अखिल क्रान्तिकारीबाट नै समानुपातिक तर्फ संगिता थापा, लक्ष्मी थापा, शिशिर वि.क., विनिशा बराम र देवी श्रेष्ठले उम्मेदवार दर्ता गरेको आँबुखैरेनी क्याम्पस निर्वाचन अधिकृतको कार्यालयले जनाएको छ ।
स्ववियु निर्वाचन अन्तर्गत चैत ५ गते हुने निर्वाचनको मंगलबार मनोनयन दर्ता रहेकामा मगरले सभापतिमा उम्मेदवारी दर्ता गरेका हुन् ।
अखिल क्रान्तिकारीकी पूर्व उपमहासचिव एवं नेकपा माओवादी केन्द्र गण्डकी प्रदेशका सचिवालय सदस्य सुदीन पौडेलले ऑबुखैरेनीमा अखिल क्रान्तिकारीको विजय सुनिश्चित रहेको बताए ।
