निष्पक्ष र विश्वसनीय खबरको सँगालो 
Khabar Punja
२७ बैशाख २०८३, सोमबार
दमाैली, २२ चैत । डुम्रे वेसीशहर सडकखण्ड अन्तर्गत तनहुँको भानु नगरपालिका–१ मोहरियामा शुक्रबार भएको बस दुर्घटनाका घाइतेमध्ये चार जनालाई थप उपचारका लागि चितवन पठाइएको छ ।
नारायणगढबाट वेसीशहर जाँदै गरेको ग १ ख ६४९८ नम्बरको बस अनियन्त्रित भई पल्टिँदा २० जना घाइते भएकामा घाइतेमध्ये चार जनालाई थप उपचारका लागि चितवन मेडिकल कलेज पठाइएको जिल्ला प्रहरी कार्यालय तनहुँले जनाएको छ ।
बस चालकले नियन्त्रण गुमाई सडकको बाँया साइडमा पल्टिदा घाइते भएका १६ जना स्थानीय मेडिकलमा उपचार पश्चात् डिस्चार्ज भएको प्रहरी निरीक्षक राजु अधिकारीले जानकारी दिए।
घाइतेमध्ये रौतहट दुर्गा भगवती गाउँपालिका–५ बस्ने ४३ वर्षीय राम पुकार सुनार, लमजुङको दोर्दी गाउँपालिका–९ बस्ने सात वर्षीय रोजित विक, सोही ठाउँ बस्ने ४५ वर्षीया सुशीला विक र राइनास नगरपालिका–६ बस्ने ४० वर्षीया विमला विकलाई चितवन पठाइएको छ ।
