चितवनको दाहाखानीमा स्विमिङ पुलमा युवा मृत भेटिए
× गृहपृष्ठ तनहुँ विशेष गण्डकी प्रदेश प्रदेश देश राजनीति आर्थिक स्वास्थ्य विचार सुचना प्रविधि मनोरञ्जन खेलकुद सम्पादकीय फोटो पुञ्ज युनिकोड
  • देश

    चितवनको दाहाखानीमा स्विमिङ पुलमा युवा मृत भेटिए

    खबरपुञ्ज संवाददाता

    ७ जेष्ठ २०८२, बुधबार

    चितवन, ७ जेठ । चितवनमा स्विमिङ पुलमा डुवेर एक जनाको मृत्यु भएको छ । इच्छाकामना गाउँपालिका ७ दाहाखानीस्थित दाहाखानी भिउ रिसोर्टमा पौडी खेल्ने क्रममा डुवेर भरतपुर महानगरपालिका २२ का २५ वर्षिय लोकेश महतोको मृत्यु भएको हो ।

    मंगलबार सांझ ९ जना साथिहरुसंग रमाइलो गर्न महतो दाहाखानी रिसोर्ट पुगेका थिए । रिसोर्टभित्र रहेको बारमा खाजा खाएर स्वीमिङ पुलमा पौडी खेल्न गएका महतो धेरैबेर नफर्किएपछि साथिहरु हेर्न जाँदा स्विमिङ पुलमा तैरिरहेको अवस्थामा देखेर उनिहरुले नै उपचारका लागि भरतपुर ल्याएका थिए ।

    अस्पताल ल्याउनासाथ डाक्टरले उनलाई मृत घोषणा गरेका थिए । संगै गएका ८ जना साथिलाई अनुसन्धानका लागि प्रहरीले नियन्त्रणमा लिएको छ ।