निष्पक्ष र विश्वसनीय खबरको सँगालो 
Khabar Punja
१२ असार २०८२, शुक्रबार
काठमाडौ, २ असार । राष्ट्रपति रामचन्द्र पौडेलले उर्जा, जलस्रोत तथा सिंचाई मन्त्री दिपक खड्कासँग जल विद्युत आयोजनाको प्रगतिबारे जानकारी लिएका छन् ।
मन्त्री खड्कालाई सोमबार शीतल निवासमा बोलाएर राष्ट्रपतिले आयोजनामा भइरहेको प्रगतिबारे जानकारी लिएका हुन् । पौडेलले १ सय ४० मेघावाटको जलाशययुक्त तनहुँ हाइड्रो परियोजनाको निर्माणको प्रगति विवरणको जानकारी लिँदै समय मैं सम्पन्न गर्न ध्यानाकर्षण गराएको स्वकीय सचिवालयले जनाएको छ ।
यस्तै राष्ट्रपति पौडेलले तनहुँ हाइड्रोसँगै जोडिएको १ सय २६ मेघावाटको तल्लों सेती परियोजनाको यथाशीघ्र कार्यान्वनका लागि मन्त्री खड्कालाई निर्देशन दिए । राष्ट्रपति पौडेलले जलविद्युत परियोजनाहरूको योजनाबद्ध विकासबारे पनि मन्त्री खड्कासँग चासो राखेका थिए ।
