निष्पक्ष र विश्वसनीय खबरको सँगालो 
Khabar Punja
९ श्रावण २०८२, शुक्रबार
दमौली, १६ असार । व्यास नगरपालिका-२ स्थित सत्यवती माध्यमिक विद्यालयका विषय शिक्षक र प्रधानाध्यापकको गैर जिम्मेवारीपनले एक छात्राको ४ जिपिए आउनबाट वञ्चित भएको परिवारले दावी गरेको छ ।
व्यास नगरपालिका-५ निवासी अन्वेषिका शर्माले एसइइमा ३.९८ जिपिए प्राप्त गरेकी छन् । तर विद्यालयका आन्तरिक नम्बर पठाउने विषय शिक्षक र प्रमाणित गर्ने प्रधानाध्यापकको गम्भीर गैरजिम्मेवारपनाले गर्दा ४ जिपिए गुमेको परिवारको गुनासो छ ।
३.९८ जिपिए प्राप्त गर्ने शर्मा विद्यालयको एक्लो विद्यार्थी हुन् । उनी सरहकै विद्यार्थीलाई विषय शिक्षकले प्रयोगात्मकमा बढी नम्बर दिएपनि उनलाई भने कम नम्बर दिएको बताइएको छ ।
यसअघि पनि विद्यालयको लापरवाहीले ४ जिपिए ल्याउने विद्यार्थी वञ्चित हुँदै आएको परिवारको गुनासो छ ।
