निष्पक्ष र विश्वसनीय खबरको सँगालो 
Khabar Punja
६ माघ २०८२, मंगलवार
दमौली, २७ साउन । जिल्ला प्रहरी कार्यालय तनहुँका प्रहरी उपरिक्षक वीरेन्द्रबहादुर शाहीको सरुवा भएको छ ।
एक वर्ष १७ दिन तनहुँको कमाण्ड सम्हालेर शाही साइबर व्युरो अनुसन्धान शाखा जान लागेका हुन् । प्रहरी प्रधान कार्यालयले मंगलबार नौ जना एसपीको सरुवा गरेको छ ।
तनहुँमा प्रदेश प्रहरी कार्यालय पोखराबाट टेकबहादुर केसी आउने भएका छन् ।
एसपी शाही विवादरहित कार्यकाल पूरा गरी नियमित सरुवा भएका हुन् । प्रहरी प्रमुखका रुपमा जिल्लामा एक वर्ष कार्यकाल हुने गर्दछ ।
एसपी शाहीको कार्यकालमा शान्ति सुरक्षाको प्रत्याभूति जिल्लावासीले गर्न पाए । प्रहरी कार्यालयको आन्तरिक सुधारमा पनि शाहीको योगदान रह्यो । सबैसँग समन्वयकारी भूमिका निर्वाह गर्न सक्ने एसपी शाहीको कार्यकालमा फरार प्रतिवादी पक्राउमा उल्लेख्य सफलता प्राप्ति भएको छ ।
