निष्पक्ष र विश्वसनीय खबरको सँगालो 
Khabar Punja
२८ पुष २०८२, मंगलवार
काठमाडाै, २० भदाै । लियोनल मेसीको जादुयी प्रदर्शनमा अर्जेन्टिनाले दक्षिण अमेरिकी विश्वकप छनोटमा शुक्रबार भेनेजेएलालाई सजिलै ३–० ले पराजित गरेको छ । ब्युनर्स आयर्सको स्टाडियो मोनुमेन्टलमा भएको खेलमा मेसीले दुई गोल पनि गरे ।
मेसीले ३९ औं मिनेटमा गोलको खाता खोले भने ८० औं मिनेटमा आफ्नो दोस्रो व्यक्तिगत गोल पनि गरे । यसक्रममा उनी पूरा खेल अवधिमा छाए । लउटारो मार्टिनेजले ७६ औं मिनेटमा थप एक गोल गरे ।
डिफेन्डिङ च्याम्पियन रहेको अर्जेन्टिना अबको विश्वकपका लागि यसअघि नै छनोट भइसकेको छ । छनोटमा उसको १७ खेलबाट ३८ अंक भएको छ र अंक तालिकाको शीर्ष स्थानमा छ ।
आइतबारको अन्य खेलमा कोलम्बियाले बोलिभिया तथा उरुग्वेले पेरुलाई समान ३-० ले पराजित गर्यो । पाराग्वे र इक्वेडरले भने गोलरहित बराबरी खेले । घरेलु मैदानमा यही नै मेसीको अन्तिम खेल हो भनेर अन्तर्राष्ट्रिय मिडियाहरूले समाचार पनि प्रकाशित गरेका छन् ।
मेसीले यसपछि विश्वकप छनोटका खेलहरू पनि नखेल्ने सम्भावना रहेको छ । अर्जेन्टिना यसअघि नै विश्वकपमा छनोट भइसकेको छ । मेसीले विश्वकप खेल्नेबारे केही निश्चित गरिसकेका छैनन् ।
