निष्पक्ष र विश्वसनीय खबरको सँगालो 
Khabar Punja
१ चैत्र २०८२, सोमबार
काठमाडौ, २ चैत । रास्वपा समानुपातिकका उम्मेदवार ज्ञानेन्द्र मल्लले सधैं देशको सेवाका लागि जुनसुकै भूमिकाबाट अघि बढिरहने बताएका छन् । मल्लले आफू सदनमा रहूँ वा सडकमा, सधैँ देशको सेवाका लागि जुनसुकै भूमिकाबाट अघि बढिरहने बताए । उनले व्यक्तिको हार-जित भन्दा पनि देशको जित नै सबैभन्दा ठूलो कुरा भएको उल्लेख गरेका छन् ।
उनले भनेका छन्, ‘क्रिकेटबाट मैले सिकेको कुरा मैदानभित्रको टिम ११ मा म रहूँ वा नरहूँ, तर मेरो देशले हार्नु हुँदैन । खेल व्यक्तिगत रेकर्डका लागि होइन, टिमको जितका लागि खेलिन्छ। त्यसैले, देशलाई जिताउन मैदानमा उत्रिएका साथीहरूले व्यक्तिगत स्वार्थभन्दा माथि उठेर जनताको हित, राष्ट्रको विकास, सुशासन र भ्रष्टाचार अन्त्यका लागि एक ढिक्का भएर खेल्नुहुनेछ भन्ने विश्वासका साथ सफल कार्यकालको हार्दिक शुभकामना व्यक्त गर्दछु ।’
