निष्पक्ष र विश्वसनीय खबरको सँगालो 
Khabar Punja
२८ बैशाख २०८३, मंगलवार
दमौली, २९ वैशाख । सोमबार प्रकाशित माध्यमिक शिक्षा परीक्षा (एसईई) नतिजाअनुसार व्यास नगरपालिका–२ दमौलीस्थित सत्यवती माध्यमिक विद्यालयका चार जना विद्यार्थीले उत्कृष्ट नतिजा हासिल गर्दै ४ जिपिए प्राप्त गरेका छन्। विद्यालयका करिब ९० प्रतिशत विद्यार्थी एसईई परीक्षामा उत्तीर्ण भएका छन्।
विद्यालयका विधान सिग्देल, डेभिड दरै, सुयोग श्रेष्ठ र शुभम थापाले ४ जिपिए ल्याएका हुन् ।
त्यसैगरी, स्वीकृत वाग्लेले ३.९६ जिपिए प्राप्त गर्दै दोस्रो स्थान हासिल गरेका छन्।
तृतीय स्थानमा साक्षी वाग्ले, आदित्य भट्टराई, सुहाना श्रेष्ठ र सदिक्षा सुनारले समान ३.९५ जिपिए प्राप्त गरेका छन्।
विद्यालयले यस वर्षको एसईई नतिजामा करिब ९० प्रतिशत विद्यार्थी उत्तीर्ण भएको जनाएको छ।
