निष्पक्ष र विश्वसनीय खबरको सँगालो 
Khabar Punja
२१ असार २०८३, सोमबार
काठमाडौं, २२ असार । नर्वे फिफा विश्वकप २०२६ को क्वाटरफाइनलमा प्रवेश गरेको छ।
भर्खरै सम्पन्न खेलमा ब्राजिललाई २–१ ले हराउँदै नर्वेले अन्तिम ८ मा स्थान बनाएको हो। नर्वे पहिलोपटक विश्वकपको क्वाटरफाइनलमा प्रवेश गर्यो।
नर्वेको जितमा दुवै गोल एर्लिङ हालान्डले गरे। उनले खेलको ७९ औं र ९० औं मिनेटमा गोल गरेका हुन्। ब्राजिलका लागि अन्तिममा नेयमारले सान्त्वना गोल फर्काए। खेल सकिनै लाग्दा ९०+१० औं मिनेटमा उनले पेनाल्टीमार्फत गोल गरेका हुन्।
योसँगै उनले जारी विश्वकपमा गोल संख्या ७ पुर्याएका छन्। गोन्डेन बुटको दौडमा अर्जेन्टिनाका लियोनल मेसी, फ्रान्सका किलियन एम्बाप्पे पनि ७ गोलसँगै दौडमा छन्।
नर्वेले क्वाटरफाइनलमा इंग्ल्यान्ड र मेक्सिकोसँगको विजेतासँग खेल्नेछ। पाँच पटकको विजेता ब्राजिलको भने विश्वकप यात्रा अन्तिम १६ बाटै टुंगिएको छ।
