निष्पक्ष र विश्वसनीय खबरको सँगालो 
Khabar Punja
१४ कार्तिक २०८३, शनिबार
काठमाडाै १४ कात्तिक । नेपाल प्रिमियर लिग (एनपीएल) अन्तर्गत शनिबार राति सम्पन्न खेलमा विराटनगर किंग्सले सुदूरपश्चिम रोयल्सलाई ३५ रनले पराजित गरेको छ ।
वर्षाका कारण पाँच ओभरमा झारिएको खेलमा १०६ रनको लक्ष्य पछ्याएको सुदूरपश्चिमले निर्धारित पाँच ओभरमा ३ विकेट गुमाएर ७० रन मात्र बनाउन सक्यो ।
सुदूरपश्चिमका स्कट कुगेलाइनले ६ बलमा २८ रन बनाए । आरिफ शेखले ८ बलमा १७ र सैफ जैबले १० बलमा १७ रन जोडे । कप्तान दीपेन्द्रसिंह ऐरीले ५ बलमा १ रन मात्र बनाए ।
विराटनगरका आन्द्रे रसेल, रुपेश सिंह र एन्जेलो म्याथ्युजले समान एक विकेट लिए ।
यसअघि टस हारेर पहिले ब्याटिङ गरेको विराटनगरले ५ ओभरमा २ विकेट गुमाएर १०५ रन बनाएको थियो । उसका शहान जयसूर्याले ११ बलमा ३९ र लोकेश बमले १० बलमा २५ रन बनाए । आन्द्रे रसेल १० बलमा २९ रन जोड्दै अविजित रहे ।
सुदूरपश्चिमका अविनाश बोहराले २ विकेट लिएका थिए ।
