निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : श्रीमान् धन कमाउन विदेशिन्छन् । श्रीमती छोरा पढाउन बजारमा डेरा गरी बसेकी छन् । कोभिड–१९ को सङ्कटका कारण विदेशमा धेरैले रोजगारी गुमाएका छन् । जुनुका श्रीमान् पनि त्यसबाट अछुतो रहेनन् । श्रीमान्ले पैसा नपाएपछि जुनुले ६ महिनासम्म घर भाडा तिर्न सकेकी छैनन् ।
घरबेटी सँधै भाडा माग्न आउँछन् । जुनुले श्रीमान्ले पैसा पठाउने बित्तिकै भाडा तिर्छु भन्छिन् । एकदिन घरबेटी जुनुको कोठामा जान्छन् अनि विभिन्न प्रलोभन देखाउँदै यौन सम्पर्कको प्रस्ताव राख्छन् । जुनुले मान्दिनन्, घरबेटीले जबरजस्ती गर्छ, घरबेटीको अगाडी उनको अगाडी केही चल्दैन ।
कोरोनाको प्रभाव र वैदेशिक रोजगारीको समस्यालाई चित्रण गर्दै कलाकार सङ्गम कायस्थको निर्देशनमा बनेको सर्ट मूभी ‘जुनु’ सोमबार सार्वजनिक भएको छ । युट्युव च्यानल भ्वाइस अफ तनहुँ मार्फत् उक्त चलचित्र सार्वजनिक गरिएको हो ।
चलचित्रमा प्रभा श्रेष्ठ जुनुको भूमिकामा छन् भने सुजन थापा घरबेटीको भूमिकामा छन् । साथै बाल कलाकारको भूमिका रोमन मल्लले निभाएका छन् ।
