निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : पृथ्वीराजमार्ग अन्तर्गत तनहुँको आँबुखैरेनी गाउँपालिका–२ ढापटारमा रोकिराखेको ट्रकमा ठोक्किएर मोटरसाइकल चालकको मृत्यु भएको छ । मृत्यु हुनेमा आँबुखैरेनी गाउँपालिका–४ भाँगे बस्ने १९ वर्षीय अन्जन सुनार रहेको जिल्ला प्रहरी कार्यालय तनहुँले जनाएको छ ।
उनको उपचारका क्रममा आँबुखैरेनी हाडजोर्नी अस्पतालमा शुक्रबार मृत्यु भएको प्रहरी नायब उपरिक्षक युवराज तिमिल्सिनाले जानकारी दिनुभयो । आँबुखैरेनीबाट डुम्रेतर्फ आउँदै गरेको प्रदेश ३–०२–१३ प २१०६ नं को मोटरसाइकल सोही दिशातर्फ रोकिराखेको ना ५ ख ८८९२ नं को ट्रकमा ठोक्किदा सुनार घाइते भएका थिए ।
