निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : तनहुँमा पुनः १५ कोरोना सङ्क्रमित थपिएका छन् । क्षयरोग उपचार केन्द्र र पोखरा स्वास्थ्य विज्ञान प्रतिष्ठान पोखरामा गरिएको परीक्षणमा तनहुँका १५ जनामा कोरोना सङ्क्रमण पुष्टि भएको हो ।
स्वास्थ्य निर्देशनालयले आइतबार साँझ सार्वजनिक गरेको विवरण अनुसार आँबुखैरेनीका छ, भानु नगरपालिकाका चार, व्यास नगरपालिकाका दुई, बन्दीपुर गाउँपालिकाका एक, घिरिङ गाउँपालिकाका एक र शुक्लागण्डकी नगरपालिकाका एक जनामा कोरोना सङ्क्रमण पुष्टि भएको छ ।
आँबुखैरेनी–१ का २८ वर्षीया महिला र २८ वर्षीय पुरुष, आँबुखैरेनी–३ का २५, ३७ वर्षीय पुरुष, आँबुखैरेनी–४ का २६ वर्षीया महिला र आँबुखैरेनी–६ का ३२ वर्षीय पुरुषमा सङ्क्रमण पुष्टि भएको छ ।
भानु–४ का ४९, २२, ४३, २२ वर्षीय पुरुषमा सङ्क्रमण पुष्टि भएको छ । व्यास–३ का २५, २८ वर्षीय पुरुष र बन्दीपुर–३ का ५० वर्षीय पुरुषमा सङ्क्रमण पुष्टि भएको छ । घिरिङ–१ का २९ र शुक्लागण्डकी–४ का ५४ वर्षीय पुरुषमा कोरोना सङ्क्रमण पुष्टि भएको छ ।
