निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
तनहुँ : नेपाल रेडक्रस सोसाइटी दुम्सी उपशाखाले सञ्चालन गर्न लागेको एम्बुलेन्स सेवाका लागि सहयोग जुट्ने क्रम शुरु भएको छ । एम्बुलेन्स खरिदका लागि संस्थाले शुरु गरेको रकम सङ्कलन अभियानका लागि विभिन्न व्यक्ति तथा सङ्घसंस्थाले सहयोग गरेका छन् ।
सोही अभियानमा व्यास-१० स्थित दुम्सी दुग्ध उत्पादक सहकारी संस्थाले रु ५१ हजार सहयोग गर्ने निर्णय गरेको छ । केही दिन अगाडी सम्पन्न सहकारीको साधारणसभाले उक्त निर्णय गरेको सहकारीका अध्यक्ष तुलसीराम सुवेदीले जानकारी दिनुभयो ।
विभिन्न व्यक्ति तथा संस्थाको सहयोगले एम्बुलेन्स खरिद अभियानले मुर्त रुप पाउने विश्वास गरिएको अर्थ सङ्कलन समितिका सचिव कृष्ण आचार्यले बताउनुभयो ।
