निष्पक्ष र विश्वसनीय खबरको सँगालो 
Khabar Punja
१५ आश्विन २०८१, बुधबार
काठमाडौ : पछिल्लो २४ घन्टामा नेपालमा ५ सय २ जना कोरोनाभाइरस संक्रमित थपिएका छन् ।
स्वास्थ्य तथा जनसंख्या मन्त्रालयले दिएको जानकारीअनुसार यो समयमा ३ हजार १ सय १२ पिसिआर परीक्षण गरिएको थियो । तीमध्ये ५ सय २ जनामा कोरोनाभाइरस संक्रमण पुष्टि भएको हो ।
यही समयमा २ हजार ८ सय ७८ जनाले कोरोना पनि जितेका छन् ।
मन्त्रालयले दिएको जानकारीअनुसार पछिल्लो २४ घन्टामा नेपालभर १७ जनाले कोरोनाभाइरसका कारण ज्यान गुमाएका छन् । योसँगै नेपालमा कोरोनभाइरसका कारण ज्यान गुमाउनेको संख्या १ हजार २ सय ४७ पुगेको छ ।
पछिल्लो २४ घन्टामा थपिएका संक्रमितमध्ये २०४ जना महिला हुन् भने २ सय ९८ जना पुरुष रहेका छन् ।
यीमध्ये सबैभन्दा धेरै बागमती प्रदेशमा ३ सय ८० जना कोरोनाभाइरस संक्रमित थपिएका छन् । प्रदेश १ मा ८, प्रदेश २ मा २७, गण्डकी प्रदेशमा १८, लुम्बिनी प्रदेशमा ६७ र सुदूरपश्चिम प्रदेशमा २ जना कोरोनभाइरस संक्रमित थपिएका छन् ।
