निष्पक्ष र विश्वसनीय खबरको सँगालो 
Khabar Punja
३० कार्तिक २०८१, शनिबार
तनहुँ : तनहुँको देवघाट गाउँपालिकामा बहुउद्देश्यीय पर्यटन पूर्वाधार व्यावसायिक भवन र वृद्धाश्रमको भोजन गृह निर्माण हुने भएको छ । देवघाट क्षेत्र विकास समितिबाट स्वीकृत पर्यटन पूर्वाधार व्यावसायिक भवन र वृद्धाश्रमको भोजन गृह निर्माण हुन लागेको हो ।
व्यावसायिक भवनको लागत रु चार करोड ५० लाख र भोजनगृहको लागत रु ६० लाख अनुमान गरिएको क्षेत्र विकास समितिले जनाएको छ । यसैगरी गाउँपालिकामा दश शैय्याको अस्पताल समेत निर्माण हुने भएको छ । उक्त अस्पतालको सोमबार शिलान्यास गर्ने कार्यक्रम रहेको छ ।
