निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ : लैङ्गिक हिंसा विरुद्धको १६ दिने अभियानको सन्दर्भ पारेर देवघाट गाउँपालिकाले मंगलबार अन्तरक्रिया सम्पन्न गरेको छ । कार्यक्रममा गाउँपालिका उपाध्यक्ष विमला थापाले महिला अझैपनि हिंसामा रहेकाले हिंसा सहेर नबस्न आग्रह गर्नुभयो । लैङ्गिक हिंसा विरुद्ध कानुनमा मात्र नभई व्यहारमा लागु हुनुपर्ने उहॉको जोड थियो ।
प्रमुख प्रशासकीय अधिकृत नरहरि सापकोटाले लैङ्गिक हिंसाको अन्त्य बोलेर मात्र नभई व्यावहारिक रुपमा हुनुपर्नेमा जोड दिनुभयो । देवघाट गाउँपालिका ५ वडाअध्यक्ष एवं प्रवक्ता याल बहादुर गुरुङले कोरोना महामारीको अवस्थामा महिलाहरूको आत्महत्या दर बढेको, घरेलु तथा अन्य प्रकारका हिंसा बढेको बताउनुभयो ।
