Khabar Punja

काठमाडाै : ‘नाम होस् या बदनाम होस् तर गुमनाम नहोस्’ यो उखान कला क्षेत्रमा निकै प्रचलित छ। ठुलो बजेट, मल्टीस्टार, करिश्मा मानन्धर पुत्री र शिव श्रेष्ठ पुत्रको डेब्यु लागायतका विशेषताले निकै चर्चा कमाएको फिल्म ‘एउटा यस्तो प्रेम कहानी’का विवाद पनि कम छैनन्।

झन्डै बर्ष दिन अगाडी ‘नेपाली फिल्मको व्यापार ओरालो लागिरहेको देखेर फिल्म रिलिजको जोखिम लिन नसकेको’ बताउने निर्माताले कोभिड १९ का कारण नेपाली फिल्म उद्योग इतिहासकै दयनीय भएका बेला फिल्म रिलिजको तयारी गरेका छन्। यसै बर्ष जाडोमा फिल्म रिलिज गरिने बताउँदै कठ्याङ्ग्रीदो माहोलमा फिल्मको आइटम सङ ‘हलाल’ रिलिज गरिएको छ।

फिल्म लुटबाट आइटम गर्लको छवि स्थापित गर्न सफल सुष्मा कार्कीको कामुक नाँचलाई फिल्म प्रवर्द्धनको हतियार बनाइएको छ। बिबि थापाको शब्द रहेको आइटम गीतलाई गायिका मिना निरौलाको स्वरले न्याय गरेको छ। अभिनेता शिव श्रेष्ठको प्रस्तुतिमा बनेको यस फिल्ममा शिव श्रेष्ठ, शक्ति श्रेष्ठ, प्रियंका कार्की, कविता मानन्धर, आयुष्मान देसराज श्रेष्ठ जोशी, वर्षा राउत, संजोग कोइराला, बसुन्धरा भुषाल, आंग तेंबे शेर्पा, मिथिला शर्मा, बिष्णु चेमजोंग, रेखा फागु, नरेन खड्का, ध्रुब कोइराला लगायतको अभिनय रहेको फिल्मको निर्देशन दिपेस सापकोटाले गरेका छन्।

फिस्टेल मुभिजको ब्यानरमा बनेको फिल्मलाई यशाेदा राई र दिनेश दर्शनधारीले निर्माण गरेका हुन् । खुम तामाङ, सुनिल कटवाल, राम नारायण शाह, दिनेस थापामगर र तारा तुलाधर फिल्मका सह-निर्माताहरु हुन्।