निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : तनहुँको शुक्लागण्डकी नगरपालिका-८ किमलडॉडामा एक पुरुषको शव फेला परेको छ। किमलडॉडास्थित सेती नदी किनारमा आइतबार पुरुषको शव फेला परेको हो।
अन्दाजी ४०/४२ वर्ष देखिने पुरुषको पहिचान हुन नसकेको इलाका प्रहरी कार्यालय बेलचौताराले जनाएको छ । स्थानीयवासीले नदी किनारमा शव देखेपछि प्रहरीलाई खबर गरेका थिए ।
सातदेखि दश दिन पुरानो शव भएकाले अनुहार चिनिन नसक्ने अवस्था रहेको इलाका प्रहरी कार्यालय बेलचौताराका प्रहरी निरीक्षक जगदीश रेग्मीले जानकारी दिनुभयो । “अनुहार चिन्न सक्ने अवस्था छैन, ती पुरुषले टिसर्ट र ट्रयाक लगाएका छन्,” उहाँले भन्नुभयो, “पाँच फिट जति उचाई छ ।”
