Khabar Punja

काठमाडाै : लोकप्रिय टेलिशृङ्खला हिजोआजका कुरामा लामो समय काम गरि पछिल्लो समय विभिन्न देशमा वैदेशिक रोजगारीमा बिताएका कलाकार रमेश अधिकारीको कथामा निर्मित लघु चलचित्र ‘फर्की आउँला’को प्रोमो रिलिज भएको छ ।

वैदेशिक रोजगारको क्रममा विभिन्न देशमा रहंदा आफोले देखेका र भोगेका बिषयबस्तु कथामा समावेश गरेको अधिकारीले बताउनुभयाे। सामाजिक संजालमा देखिने हाइफाइ बिदेशी दृश्य भित्र लुकेका पीडा र परिस्थितिलाई कथामा समेटिएको बताइएको छ । चिनिया विशेष प्रशासकिय क्षेत्र मकाउमा छायांकन गरिएको लघु चलचित्रको निर्देशन तुला पर्वतले निर्देशन गर्नुभएकाे छ भने निर्माता सागर अधिकारी रहनुभएकाे छ ।

लघु चलचित्रमा रमेश अधिकारीसंगै श्रीराम पोखरेल, सागर अधिकारी, मोहन कुमार, सुरज अधिकारी, संगीता खनाल, सुनिता अधिकारी र प्रेम तामाङको अभिनय रहेको छ ।