निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
भानु : तनहुँको भानु नगरपालिका-१३ मा सिद्धबाबा कपको नवौ संस्करण सोमबारबाट सुरु भएको छ । पयॉस्वारास्थित सिद्धबाबा युवा क्लवको आयोजनामा सुरु भएको प्रतियोगिताको वडाध्यक्ष रामबहादुर बानियॉले उदघाटन गरे ।
कार्यक्रममा नेपाली कांग्रेस वडा सभापति कृष्णबहादुर अधिकारी, टुटेपानी होमस्टे तथा अरनिको माविका अध्यक्ष क्या. होमबहादुर गुरुङ, समाजसेवी क्या. होमबहादुर खड्का, क्या. कृष्णबहादुर खड्का, तमु ह्युल छोजा धिका केन्द्रीय सदस्य रग बहादुर गुरुङ, भानु नगरपालिका- १३ का वडा सदस्य शान्ता मौराती लगायतले मन्तव्य राखेका थिए ।
वर्षा भएका कारण खेल भने सोमबार सञ्चालन हुन सकेन । भोलि मंगलबारबाट खेल सञ्चालन गरिनेछ। प्रतियोगितामा ३६ टिमको सहभागिता रहेको छ ।
प्रतियोगितामा प्रथम, द्वितीय हुनेलाई क्रमश: ६० हजार ६ सय ६६ र ३० हजार ३ सय ३३ नगद, ट्रफी र मेडल प्रदान गरिने क्लवका पूर्व अध्यक्ष एवं सल्लाहकार सङ्गम सुमिर पियाले जानकारी दिए ।
