निष्पक्ष र विश्वसनीय खबरको सँगालो 
Khabar Punja
३ पुष २०८१, बिहीबार
दमौली । नेपाली कांग्रेसका केन्द्रीय सदस्य शंकर भण्डारीले चुनाव जित्नकै लागि माओवादीसँग गठबन्धन गर्न आवश्यक नरहेको बताएका छन् । नेपाली कांग्रेस तनहुँ क्षेत्र नम्बर १ ले बिहीबार दमौलीमा आयोजना गरेको कार्यक्रमलाई सम्बोधन गर्दै भण्डारीले कांग्रेसलाई दुख दिने माओवादीसँग गठबन्धन गर्न आवश्यक नरहेको जिकिर गरे ।
‘माओवादीले जब मौका पाउँछ तब दुख दिन्छ, चुनाव जित्ने नाममा गठबन्धन गर्न आवश्यक छैन,’ उनले भने, ‘कांग्रेस एक्लै चुनाव लड्नुपर्छ ।’
भएका गल्ती कमजोरी सुधार्दै कांग्रेसभित्र हार्दिकता सिर्जना गर्नुपर्ने उनको जोड थियो ।
