Khabar Punja

दमौली । कोभिड-१९ को प्रभावका कारण रोकिएको आठौ तनहुँ महोत्सव चैत १० देखि हुने भएको छ । कोरोना प्रभाव घटेकाले तनहुँ उद्योग वाणिज्य संघले चैत १० देखि २० गतेसम्म महोत्सव गर्न लागेको हो ।

यसअघि पुस २९ देखि माघ १० गतेसम्म महोत्सवको मिति तोकिएको थियो । कोरोना कहर न्यूनीकरण भएसँगै महोत्सवको तयारी सुरु भएको संघका अध्यक्ष पविन्द्रकुमार श्रेष्ठले जानकारी दिए ।

महोत्सवको सहआयोजकमा तनहुँ उद्योग वाणिज्य संघ दमौली बजार रहेको छ । महोत्सवका लागि स्टल बुकिङ समेत खुल्ला गरिएको छ।