निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
दमाैली । तनहुँको म्याग्दे गाउँपालिका–३ धयरेमा जङ्गली च्याउ खाँदा आज दश जना बिरामी परेका छन् । सोही ठाउँका ४६ वर्षीया पार्वती थापा र २४ वर्षीया सरिता थापाले जङ्गलबाट खोजेर ल्याएको च्याउ खाँदा दश जना बिरामी भएका हुन् ।
खानासँग तरकारीका रुपमा च्याउ खाँदा उनीहरु बिरामी परेको जिल्ला प्रहरी कार्यालय तनहुँका प्रहरी नायब उपरिक्षक युवराज खड्काले जानकारी दिए । बिरामी परेकालाई दमौलीस्थित व्यास नगर अस्पतालमा उपचार पश्चात् थप उपचारका लागि पोखरा पठाइएको छ ।
च्याउ खाएर बिरामी पर्नेमा सोही ठाउँका २७ वर्षीया सविता थापा, छ वर्षीया जेनिशा थापा, ४५ वर्षीय पदुमाया थापा मगर, चार वर्षीय जेन्स थापा, २६ वर्षीया बासना थापा, ४६ वर्षीया पार्वती थापा, २२ वर्षीय सुमन थापा, छ वर्षीय प्रिन्स थापा, २४ वर्षीया सरिता थाप र ४७ वर्षीय पदम थापा रहेको प्रहरीले जनाएको छ ।
