निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
म्याग्दे । तनहुँको म्याग्दे गाउँपालिकाको अध्यक्षका लागि नेपाली काङ्ग्रेसबाट सात जनाले दावी गरेका छन् । गाउँपालिकाको अध्यक्षका लागि मङ्गलबार सात जनाले निवेदन दर्ता गराएका हुन् ।
काङ्ग्रेस म्याग्दे गाउँ कार्यसमितिले अध्यक्ष र उपाध्यक्षका लागि आकाङ्क्षीको नामावली सङ्कलन गरेको थियो । काङ्ग्रेस म्याग्देका सचिव गौरवराज रानाका अनुसार अध्यक्षका लागि वर्तमान अध्यक्ष मायादेवी राना, उपाध्यक्ष बालकृष्ण घिमिरे, रामकृष्ण विक, रामभक्त घिमिरे, जीतराज राना, पवित्रा घिमिरे र हुतमणि अधिकारीले आकाङ्क्षा व्यक्त गरेका छन् ।
यसैगरी उपाध्यक्ष पदका लागि लक्ष्मी वाग्ले, कुमारी राना, जानकी थापा र शुभद्रा घिमिरेले आकाङ्क्षा व्यक्त गरेका छन् ।
