निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दमाैली । व्यास नगरपालिका–१ भादगाउँस्थित छाब्दीवाराही बचत तथा ऋण सहकारी संस्थामा आर्थिक अनियमितताको आरोपमा पक्राउ परेका चार जना प्रतिवादीविरुद्ध बयान लिइएको छ । सहकारीका तत्कालिन व्यवस्थापक, बजार प्रतिनिधि र सफ्टवेयर सञ्चालकविरुद्ध मङ्गलबार तनहुँ अदालतमा बयान लिइएको हो ।
रु तीन करोड भन्दा बढी आर्थिक अनियमिताको आरोपमा पक्राउ परेकाविरुद्ध बयान लिने काम सकिएको तनहुँ अदालतका इजलास अधिकृत कृष्ण गौतमले जानकारी दिए । प्रतिवादीविरुद्ध बुधबार थुनछेक बहस हुने र थुनछेक बहस सुनेर न्यायाधीशले आदेश सुनाउनेछन् ।
प्रहरीले पक्राउ परेका चार जनाविरुद्ध अनुसन्धान सकेर सोमबार सरकारी वकिलमार्फत् अदालतमा मुद्दा दर्ता गरेको थियो ।
