निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमाैली । तनहुँको व्यास नगरपालिका–२ स्थित लोकप्रिय स्वास्थ्य क्लिनिकमा चोरी गर्ने एक जना पक्राउ परेका छन् । पक्राउ पर्नेमा भानु नगरपालिका–१ नयाँबस्ती बस्ने २० वर्षीय सुजन परियार रहेको जिल्ला प्रहरी कार्यालय तनहुँले जनाएको छ ।
गत असार ३२ गते राति स्वास्थ्य क्लिनिकको सटर फोडी नगद रु एक लाख ३५ हजार चोरी गरेर फरार रहेका उनीहरुले पुनः आइतबार राति सोही स्वास्थ्य क्लिनिकमा चोरी प्रयास गरेका थिए ।
सिसिटिभी फुटेलको हुलियाका आधारमा खोजतलास गर्दै जाँदा आइतबार राति ९ः३० बजे पुनः स्वास्थ्य क्लिनिक तोडफोड गर्दै गरेको अवस्थामा स्थानीय व्यक्तिको सहयोगमा उनीहरुलाई पक्राउ गरिएको प्रहरी नायब उपरिक्षक युवराज खड्काले जानकारी दिए।
पक्राउ परेकाविरुद्ध साेमबार तनहुँ अदालतबाट दश दिनको म्याद थप गरिएको छ ।
